Nýir heilsuréttir fjölskyldunnar

  • Nýir heilsuréttir fjölskyldunnar

Nýir heilsuréttir fjölskyldunnar

3.999 kr.

Nýir heilsuréttir fjölskyldunnar er sjálfstætt framhald metsölubókarinnar Heilsuréttir fjölskyldunnar sem slegið hefur rækilega í gegn og er ein vinsælasta matreiðslubók sem gefin hefur verið út hér á landi. Bókin var langvinsælasta matreiðslubók ársins 2012.

 

Í þessari nýju bók er að finna fjölda uppskrifta að ljúffengum og hollum réttum sem öllum í fjölskyldunni líkar. Höfundurinn Berglind Sigmarsdóttur heldur hér áfram á sinn einstaka hátt að fjalla um heilsu og matargerð og hvernig hægt er að aðlaga uppáhaldsrétti fjölskyldunnar að hollara og næringarríkara mataræði. Hún gefur ráð um hvernig hægt er að draga úr sykurneyslu unga fólksins og temja sér heilsusamlegra mataræði og lífsstíl. Einnig er í bókinni m.a. áhugaverð umfjöllun um heilsubætandi krydd og athyglisverðar reynslusögur mæðra af því hvernig breytt mataræði hefur haft áhrif á hegðun og líðan barna þeirra.

 

Í Nýjum heilsuréttum fjölskyldunnar nýtur Berglind áfram liðsinnis eiginmanns síns Sigurðar Gíslasonar matreiðslumeistara og bjóða þau upp á girnilega, holla og gómsæta rétti sem allir geta útbúið. Aðdáendur Heilsurétta fjölskyldunnar hafa beðið þess að fá að njóta fleiri ljúffengra uppskrifta úr eldhúsi þeirra og fagna því afrakstrinum í þessari nýju fallegu bók.

 

Bókin er 224 bls. prýdd fjölda ljósmynda eftir Gunnar Konráðsson og Kristbjörgu Sigurjónsdóttur.

‹ See more Bækur.